မြန်မာနိုင်ငံကနေ တရုတ်ပြည်သူ့သမ္မတနိုင်ငံကိုစားသောက်ကုန်ပစ္စည်းတွေ တင်ပို့ဖို့ GACC မှာ မှတ်ပုံတင်ရမယ်

မြန်မာနိုင်ငံ ကနေ တရုတ်ပြည်သူ့သမ္မတနိုင်ငံကို စားသောက်ကုန်ပစ္စည်း တွေ တင်ပို့ဖို့ GACC မှာ မှတ်ပုံတင်ရမယ်လို့ မြန်မာကုန်သွယ်မှုမြင့်တင်ရေးအဖွဲ့က ထပ်မံ အသိပေးပြောထားပါတယ်။

မြန်မာနိုင်ငံ ကနေ တရုတ်နိုင်ငံကို စားသောက်ကုန်တင်ပို့မယ့် ၊ တင်ပို့ နေတဲ့ လုပ်ငန်းရှင် တွေ အနေနဲ့ GACC မှာ မှတ်ပုံတင်ဆောင်ရွက်နိုင်ဖို့ သိရှိလိုတာ‌ေတွ ရှိတယ်ဆိုရင် ဖော်ပြထားတဲ့ ဖုန်း ၊ အီးမေးလ် တွေကတစ်ဆင့် ဆက်သွယ်မေးမြန်းသွားနိုင်ပါတယ်လို့။" မြန်မာကုန်သွယ်မှုမြင့်တင်ရေးအဖွဲ့ကပြောပါတယ်။မြန်မာနိုင်ငံ ကနေ တရုတ်ပြည်သူ့သမ္မတနိုင်ငံကို လယ်ယာစိုက်ပျိုးရေးထွက်ကုန်တွေ အပါအဝင် ကုန်စည် တွေကို တရားဝင်တင်ပို့နိုင်ဖို့ အတွက် တရုတ်ပြည်သူ့သမ္မတနိုင်ငံ၊ အကောက်ခွန်အထွေထွေအုပ်ချုပ်မှုအာဏာပိုင်အဖွဲ့(GACC) က online စနစ်နဲ့ (CA ထောက်ခံချက် လျှောက်ထားမှုနဲ့ကုမ္ပဏီကိုယ်တိုင်လျှောက်ထားမှု) မှတ်ပုံတင်ပေးပြီးဖြစ်တဲ့ လုပ်ငန်းများစာရင်းတွေကို GACC ရဲ့ Website မှာ ဖော်ပြထားပါတယ်။စာရင်းအရ ၂၀၂၅ ခုနှစ်၊ ဒီဇင်ဘာ ၁၂ ရက်အထိ စုစုပေါင်းစောင်ရေ ၁၂၂၉ စောင်ကို မှတ်ပုံတင်ခွင့်ပြုထားပြီးဖြစ်တယ်လို့သိရပါတယ်။အာဏာပိုင်အဖွဲ့(Competent Authority) ကသာ GACC ရဲ့ အပင်နဲ့ တိရစ္ဆာန်ရောဂါထိန်းချုပ်ရေးဌာနကို ၎င်းလျှောက်ထားမှုကို စာ ၊ email ၊ ပေးပို့ပြီးဖြစ်စေ ၊ မြန်မာနိုင်ငံရှိ တရုတ်သံရုံး၊ တရုတ်နိုင်ငံရှိ မြန်မာသံရုံးက တစ်ဆင့် ပေးပို့လျှောက်ထားရမှာဖြစ်တယ်လို့သိရပါတယ်။မှတ်ပုံတင်ခွင့်ပြုသက်တမ်းမှာ ၅ နှစ်ဖြစ်ပြီး ၊သက်တမ်းတိုး ထပ်မံလျှောက်ထားမယ်ဆိုရင် သက်တမ်းမကုန်ဆုံးမီ ၃ လ ကနေ ၆ လ အတွင်း ကြိုတင်လျှောက်ထားသွားဖို့လိုအပ်မှာဖြစ်ပါတယ်။