ပြည်တွင်းရွေးကောက်ပွဲတွင် ဆန္ဒမဲပေးခြင်း မပေးခြင်းသည် နိုင်ငံသားတစ်ဦး၏ အခွင့်ရေးဖြစ်သကဲ့သို့ ဆန္ဒမဲပေးရန်မှာလည်း နိုင်ငံသားတစ်ဦး၏ တာဝန်ဖြစ်ကြောင်း အမျိုးသားကာကွယ်ရေးနှင့် လုံခြုံရေးကောင်စီရုံးအမှုဆောင်ချုပ် ကပြောသည်။(၇၇) နှစ်မြောက် အပြည်ပြည်ဆိုင်ရာလူအခွင့်အရေးနေ့ အခမ်းအနား ယမန်နေ့က ကျင်းပခဲ့ပြီး အဆိုပါ အခမ်းအနား၌ အထက်ပါအတိုင်း ပြောကြားခဲ့ခြင်း ဖြစ်သည်။ဒီမိုကရေစီစနစ်တွင် အထွေထွေရွေးကောက်ပွဲသည် အသက်ဖြစ်ပြီး ရွေးကောက်ပွဲ အထမြောက်ရန် နှင့် ဥပဒေနှင့်ညီညွတ်ရန် အလေးထားဆောင်ရွက်နေကြောင်းလည်းပြောသည်။မဲပေးပိုင်ခွင့်ရှိသူအားလုံးက မကြာမီကျင်းပပြုလုပ်မည့်ရွေးကောက်ပွဲတွင် ပါဝင်ဆန္ဒမဲပေးခြင်းဖြင့် နိုင်ငံသားတစ်ဦး၏ တာဝန်ကျေပွန်အောင်ဆောင်ရွက်ကြရန်လည်း ဦးအောင်လင်းဒွေး က တိုက်တွန်းပြောကြားထားသည်။လာမည့်ရွေးကောက်ပွဲ အပိုင်း(၁)ကို ဒီဇင်ဘာ(၂၈)ရက်နေ့ တွင် စတင်ကျင်းပမည်ဖြစ်ပြီး အပိုင်း(၂)ကို ၂၀၂၆ ဇန်နဝါရီ(၁၁)ရက်နေ့ ၌ ကျင်းပမည်ဖြစ်ကြောင်း သိရသည်။
