ကမ္ဘောဒီးယားရောက် မြန်မာနိုင်ငံသားများ အခက်အခဲ တစ်စုံတစ်ရာကြုံတွေ့ပါက မြန်မာ သံရုံးကို ဆက်သွယ်၍ အကူအညီတောင်းခံနိုင်ကြောင်း ကမ္ဘောဒီးယားနိုင်ငံ၊ ဖနောင်ပင်မြို့ရှိ မြန်မာသံရုံးက ယနေ့ ( ဒီဇင်ဘာ ၁၀ရက်) တွင် သတိပေးထုတ်ပြန်ထားသည်။ လတ်တလောဖြစ်ပွားလျက်ရှိသည့် ကမ္ဘောဒီးယားနိုင်ငံနှင့် ထိုင်းနိုင်ငံတို့အကြား ပဋိပက္ခ အခြေအနေများနှင့် ပတ်သက်၍ ကမ္ဘောဒီးယားနိုင်ငံရှိ မြန်မာနိုင်ငံသားများအနေဖြင့် ပဋိပက္ခဖြစ် ပွားရာ နေရာဒေသများသို့ ခရီးသွားလာခြင်းမှ ရှောင်ရှားကြရန် မြန်မာသံရုံးက သတိပေးထားသည်။
