မန္တလေးမြို့ရှိရွှေဆိုင်အများစုမှာရွှေဈေးမြင့်တက်နေမှုကြောင့်အရောင်းရပ်ထားပြန်

ရွှေဈေးနှုန်းများဆက်လက်မြင့်တက်နေမှုကြောင့် မန္တလေးမြို့ရှိရွှေဆိုင်အများစုမှာ အတုံးအခဲရောင်းချမှုများကိုရပ်နားခဲ့ကြကြောင်းဒေသခံရွှေလုပ်ငန်းလုပ်ကိုင်သူများကပြောသည်။ရက်ပိုင်းအတွင်း ရွှေဈေးနှုန်းများဆက်တိုက်ခုန်တက်လာခဲ့ပြီး ကမ္ဘာ့ရွှေဈေးများလည်းတည်ငြိမ်မှုမရှိခြင်းကြောင့် လုပ်ငန်းရှင်များအနေဖြင့် အတုံးအခဲရောင်းချမှုများရပ်နားခဲ့ကြခြင်းဖြစ်သည်။လက်ရှိရွှေဈေးနှုန်းမှာ တစ်ကျပ်သားကို ငွေကျပ် ၈၈ သိန်းကျော်အထိရောက်ရှိနေပြီးဈေးနှုန်းအတက်ဖက်ကိုဆက်လက်ဦးတည်နေသေးကြောင်း ရွှေလုပ်ငန်းရှင်များကဆိုသည်။