ပြည်ထောင်စုဝန်ကြီး Jeng Phang နော်တောင် ဆီးဂိမ်းပြိုင်ပွဲ ဖိတ်ကြားခံပုဂ္ဂိုလ်အဖြစ် တက်ရောက်ရန် ထိုင်းနိုင်ငံသို့ ထွက်ခွာ

မြန်မာနိုင်ငံအိုလံပစ်ကော်မတီဥက္ကဋ္ဌ၊ အားကစားနှင့်လူငယ်ရေးရာဝန်ကြီးဌာနနှင့် ဟိုတယ်နှင့် ခရီးသွားလာရေးဝန်ကြီးဌာန ပြည်ထောင်စုဝန်ကြီး Jeng Phang နော်တောင်သည် (၃၃) ကြိမ်မြောက် အရှေ့တောင်အာရှအားကစားပြိုင်ပွဲ (ဆီးဂိမ်း) သို့ ဖိတ်ကြားခံပုဂ္ဂိုလ်အဖြစ် တက်ရောက်ရန်အတွက် ယနေ့ ဒီဇင်ဘာ ၇ ရက် နေ့လည်ပိုင်းက ရန်ကုန်လေဆိပ်မှတစ်ဆင့် ထိုင်းနိုင်ငံသို့ ထွက်ခွာသွားခဲ့ကြောင်း သိရသည်။ ပြည်ထောင်စုဝန်ကြီးအား ရန်ကုန်တိုင်းဝန်ကြီးချုပ် ဦးစိုးသိန်း အပါအဝင် အားကစားနှင့် လူငယ်ရေးရာဝန်ကြီးဌာနမှ တာဝန်ရှိသူများက ပို့ဆောင်ခဲ့ကြပြီး၊ ပြည်ထောင်စုဝန်ကြီးနှင့်အတူ ပြန်ကြားရေးဝန်ကြီးဌာန ဒုတိယဝန်ကြီး ဦးရဲတင့်နှင့် အဖွဲ့ဝင်အချို့ လိုက်ပါသွားခဲ့ကြသည်။