ရန်ကုန်မြို့၌ ဒီဇင်ဘာ ၆ ရက် နံနက်ပိုင်းက ကျင်းပခဲ့သည့် ၂၀၂၅ ခုနှစ်၊ ဒီဇင်ဘာလ လူထုစုပေါင်းလမ်းလျှောက်ပွဲအား အားကစားနှင့်လူငယ်ရေးရာဝန်ကြီးဌာနနှင့် ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီး Jeng Phang နော်တောင်၊ ရန်ကုန်တိုင်းဝန်ကြီးချုပ် ဦးစိုးသိန်းနှင့် တာဝန်ရှိသူများအပါအဝင် လူဦးရေ ထောင်ချီ ပါဝင်ဆင်နွှဲခဲ့ကြသည်။ ပါဝင်သူများသည် ဒဂုံမြို့နယ်ရှိ ပြည်သူ့ရင်ပြင်မှ စတင်ကာ ပြည်လမ်း၊ အလုံလမ်း၊ ဦးဝိစာရလမ်းတစ်လျှောက် စုပေါင်းလမ်းလျှောက်ပြီးနောက် ပြည်သူ့ရင်ပြင်တွင် သွေးပူလေ့ကျင့်ခန်းများ ပြုလုပ်ခဲ့ကြသည်။ ဤစုပေါင်းလမ်းလျှောက်ပွဲကို အားကစားနှင့်လူငယ်ရေးရာဝန်ကြီးဌာနနှင့် ရန်ကုန်တိုင်းအစိုးရအဖွဲ့တို့ ပူးပေါင်းကျင်းပခြင်းဖြစ်ပြီး ရန်ကုန်တိုင်းအနေဖြင့် ဒီဇင်ဘာလ တစ်လလုံး၏ စနေနေ့တိုင်းတွင် စုပေါင်းလမ်းလျှောက်ပွဲများ ဆက်လက်ကျင်းပသွားမည်ဖြစ်ကြောင်း သိရသည်။
