အမေရိကန် ရေနံကုမ္ပဏီကြီး Chevron (CVX.N) ရဲ့ ဩစတြေးလျ ယူနစ်က သောကြာနေ့က ထုတ်ပြန်ရာမှာ Gorgon Joint Venture ပါတနာများက အနောက်သြစတြေးလျ ကမ်းလွန်မြောက်ဘက်ကမ်းခြေတွင်တည်ဆောက်မည့် Gorgon Stage 3 ဖွံ့ဖြိုးရေးစီမံကိန်းအတွက် သြစတြေးဒေါ်လာ ၃ ဘီလီယံ (အမေရိကန်ဒေါ်လာ ၁.၉၈ ဘီလီယံ) ရင်းနှီးမြှုပ်နှံမှုကို အတည်ပြုလိုက်ပြီဖြစ်ကြောင်း ရိုက်တာသတင်းက ဖော်ပြခဲ့ သည်။ယခုစီမံကိန်းသည် ရှိပြီးသား LNG တင်ပို့လုပ်ငန်းကို ဖြည့်စွမ်းရန်ရည်ရွယ်ပြီး၊ ကမ်းလွန်ရှိ Geryon နှင့် Eurytion သဘာဝဓာတ်ငွေ့လွှာများကို ဘောရိုးကျွန်းပေါ်ရှိ Gorgon ၏ ရှိပြီးသား အခြေခံအဆောက်အအုံနှင့် ချိတ်ဆက်ပေးမည်ဖြစ်သည်။Chevron က Gorgon Stage 3 အတွက် ရေအောက်ပိုက်လိုင်းချိတ်ဆက်မှုအစီအစဉ်ရဲ့ တစ်စိတ်တစ်ပိုင်းအဖြစ် လုပ်ကွက်နှစ်ခုတွင် ရေနံတွင်းခြောက်တွင်းကို တူးဖော်မည်ဖြစ်ကြောင်း ဖော်ပြထားသည်။ယခု စီမံကိန်းအဆိုပြုလွှာကို Chevron က ၂၀၂၄ ခုနှစ် သြဂုတ်လတွင် အများပြည်သူထင်မြင်ချက်တောင်းခံခဲ့ပြီး၊ ယခုနိုဝင်ဘာလတွင် ကမ်းလွန်ပတ်ဝန်းကျင်ထိန်းသိမ်းရေး အာဏာပိုင်အဖွဲ့ကလက်ခံခဲ့သည်။Chevron က ဦးစီးကာလုပ်ငန်းလည်ပတ်နေသည့် Gorgon စီမံကိန်းသည် Chevron၏ သြစတြေးလျယူနစ်နှင့် Exxon Mobil (XOM.N) နှင့် Shell (SHEL.L) တို့တို့အကြား ၉၇.၃ ရာခိုင်နှုန်းခန့် ပိုင်ဆိုင်ထားသည့် ဖက်စပ်လုပ်ငန်းတစ်ခုဖြစ်ပြီး ဂျပန်နိုင်ငံမှ Osaka Gas (9532.T) တို့က ရှယ်ယာအသစ်များပိုင်ဆိုင်ကာ JERA နှင့် အမေရိကန်အခြေစိုက် MidOcean ကုမ္ပဏီတို့က ကျန်ရှယ်ယာများကို ပိုင်ဆိုင်ထားသည်။ယခုစီမံကိန်းသည် LNG တင်ပို့မှုအပြင် အနောက်သြစတြေးလျရှိ အိမ်ထောင်စုများနှင့် စက်မှုလုပ်ငန်းများအတွက် ရေရှည်ဓာတ်ငွေ့ပေးဝေနိုင်ရေးကို ပံ့ပိုးပေးမည်ဖြစ်သည်” ဟု Chevron Australia ဥက္ကဋ္ဌ မစ္စတာ ဘလာဂျီကရစ်ရှ်နာမူရတီ က ပြောကြားသည်။ပြည်နယ်တွင်းရှိ LNG စီမံကိန်းအားလုံးအတွက် ပြည်တွင်းအသုံးပြုရန်အတွက် ၁၅ ရာခိုင်နှုန်း ကြိုတင်မှာယူမှုမူဝါဒရှိသည်။Gorgon စီမံကိန်းသည် အနောက်သြစတြေးလျဈေးကွက်အတွက် တစ်နေ့လျှင် ၃၀၀ terajoules နှင့် တစ်နှစ်လျှင် LNG တန်ချိန် ၁၅.၆ သန်း ထုတ်လုပ်နိုင်စွမ်းရှိကြောင်း Chevron Australia အဆိုအရ သိရသည်။ Chevron သည် လုပ်ကွက်ခုနစ်ကွက်တွင် အများဆုံး ရေနံတွင်း ၄၀ တူးဖော်မည်ဖြစ်ပြီး စီမံကိန်းသက်တမ်းကို ၂၀၇၀ ခုနှစ်အထိ ရည်မှန်းထားကြောင်း စည်းကမ်းထိန်းသိမ်းရေးအဖွဲ့ထံ တင်သွင်းထားသော စာရွက်စာတမ်းများအရ သိရသည်။ပြီးခဲ့သည့်အပတ်က Shell ၏ မြောက်ပိုင်းသြစတြေးလျကမ်းလွန်ရှိ Crux ရေနံတွင်းတွင် ရေနံတူးဖော်ရန်အစီအစဉ်များကို စည်းကမ်းထိန်းသိမ်းရေးအဖွဲ့က လက်ခံခဲ့သည်။ Crux မှ ဓာတ်ငွေ့ကို Prelude ရေပေါ်ရွက်လှေပုံစံ LNG စက်ရုံသို့ ပြန်ဖြည့်စွမ်းရန် ပို့ဆောင်မည်ဖြစ်သည်။သြစတြေးလျတောင်ပိုင်းတွင် အမေရိကန်ရေနံကုမ္ပဏီ ConocoPhillips (COP.N) သည် ဒေသတွင်း ၎င်း၏ပထမဆုံး ရေနံတွင်းတူးဖော်မှုကို ပြီးစီးခဲ့ပြီး ယခု ဒုတိယတွင်းတူးဖော်ရန် အနီးနားရှိနေရာသို့ ရွှေ့ပြောင်းတော့မည်ဖြစ်သည်။
