ရန်ကုန်-မော်လမြိုင် ကားလမ်းပေါ်တွင် ရပ်ထားသည့် ၁၂ ဘီးကားအား ၆ ဘီးကားမှ ဝင်တိုက်မိ၍ အမျိုးသား ၂ ဦး သေဆုံး

ရန်ကုန်-မော်လမြိုင် ကားလမ်းပေါ်ရှိ သထုံမြို့အဝင် တိုးဂိတ်အနီးတွင် ဒီဇင်ဘာလ ၄ ရက်နေ့ ည ၆ နာရီ ၃၆ မိနစ်ခန့်က ရပ်ထားသည့် ၁၂ ဘီးကားတစ်စီး၏ နောက်ဘက်သို့ ခြောက်ဘီးကားတစ်စီးမှ ဝင်ရောက်တိုက်မိမှု ဖြစ်ပွားခဲ့ကြောင်း သိရသည်။ ယာဉ်တိုက်မှုကြောင့် ခြောက်ဘီးကားပေါ်ပါလာသည့် အမျိုးသားနှစ်ဦးအနက် တစ်ဦးမှာ နေရာတွင်ပင် သေဆုံးခဲ့ပြီး ကျန်တစ်ဦးမှာ ဆေးရုံရောက်ပြီးနောက် သေဆုံးခဲ့ကြောင်း အဖြူရောင်နှလုံးသားလူမှုကူညီရေးအသင်းထံမှ သိရသည်။