လွိုင်ကော်မြို့မှာ နေအိမ်ပျက်စီးသွားတဲ့ ပြည်သူတွေအတွက် တန်ဖိုးသင့်အိမ်ရာဆောက်လုပ်ပေးနေပြီး အဲ့ဒီအတွက် နေအိမ်အမှန်တကယ်ပျက်စီးသွားတဲ့ ဒေသခံတွေက မဲနှိုက်ယူရတယ်လို့ သိရပါတယ်။ နေအိမ်ပျက်စီးသွားတဲ့ ပြည်သူ နဲ့ ဝန်ထမ်းတွေအတွက် တန်ဖိုးသင့်အိမ်ရာ အလုံး (၅၀) ကို ဆောက်လုပ်နေတယ်လို့ သိရပါတယ်။ အဆိုပါ တန်ဖိုးသင့်အိမ်ရာကို မြေနီကုန်းမြို့ဦး နဲ့ နောင်ယား ( က ) ရပ်ကွက်တွေမှာ တစ်ပြိုင်တည်း ဆောက်လုပ်နေပြီလို့ ပြောပါတယ်။လက်ရှိဆောက်လုပ်နေတဲ့ တန်ဖိုးသင့်အိမ်ရာတစ်လုံးဟာ အိမ်အကျယ် ၁၈ ၊ ၂၈ ပေပတ်လည်ဖြစ်ပြီး အိမ်တလုံးတန်ဖိုး သိန်း ၃၀၀ ကျော်ရှိနိုင်တယ်လို့ ဆောက်လုပ်ရေးကုမ္ပဏီနဲ့ နီးစပ်သူတစ်ဦးက အခုလိုပြောပါတယ်။
