အာရှယဉ်ကျေးမှုအမွေအနှစ်များ မဟာမိတ်အဖွဲ့၏ အထွေထွေညီလာခံကို မြန်မာပါဝင်တက်ရောက်

အာရှတိုက်တစ်ခုလုံးရှိ ယဉ်ကျေးမှုအမွေအနှစ်များ ထိန်းသိမ်းရေးနှင့် ပတ်သက်၍ Network ထားရှိရန် ကိစ္စများဆွေးနွေးခဲ့ပါတယ်။တရုတ်နိုင်ငံ ချုံချင့်မြို့၌  နိုဝင်ဘာ (၂၆) ရက်မှ (၂၉) ရက်အထိ ကျင်းပသည့် အာရှယဉ်ကျေးမှုအမွေအနှစ်များ မဟာမိတ်အဖွဲ့၏ ဒုတိယအကြိမ်မြောက် အထွေထွေညီလာခံကို သာသနာရေးနှင့် ယဉ်ကျေးမှုဝန်ကြီးဌာန ဒုတိယဝန်ကြီး ဒေါ်နုမြဇံ ဦးဆောင်သည့် ကိုယ်စားလှယ်အဖွဲ့က တက်ရောက်ခဲ့ကြောင်း သိရသည်။အဆိုပါ ညီလာခံကို အဖွဲ့ဝင်နိုင်ငံပေါင်း (၂၆) နိုင်ငံက ဖိတ်ကြားထားသည့် တာဝန်ရှိသူများ တက်ရောက်ခဲ့ပြီး တာဝန်ရှိသူများ နိုင်ငံအလိုက်ဆွေးနွေးခဲ့ခြင်းဖြစ်ကြောင်း သိရသည်။