ပရီးမီးယားလိဂ်ထိပ်ဆုံးမှ အာဆင်နယ်နှင့် ချဲလ်ဆီးတို့ ၁ ဂိုးစီ သရေရလဒ်ထွက်ပေါ်

ပရီးမီးယားလိဂ်အမှတ်ပေးဇယားထိပ်ဆုံးမှ အာဆင်နယ်အသင်းနှင့် အဆင့် ၃ နေရာမှ ချဲလ်ဆီးအသင်းတို့၏ စတန်းဖို့ဒ် ဘရစ်ချ်ကွင်းတွင် ယှဉ်ပြိုင်ကစားခဲ့သည့်ပွဲစဉ်မှာ ၁ ဂိုးစီ သရေရလဒ် ထွက်ပေါ်ခဲ့သည်။ ပွဲ၏ ပထမပိုင်း ၃၈ မိနစ်တွင် ချဲလ်ဆီးကစားသမား ကိုင်ဆေးဒိုးသည် အနီကတ်ပြခံရပြီး ၁ ယောက်လျှော့ ကစားခဲ့ရသော်လည်း ဒုတိယပိုင်း ၄၈ မိနစ်၌ ချာလိုဘာက ခေါင်းတိုက်ဂိုးသွင်းယူကာ ချဲလ်ဆီးကို ဦးဆောင်စေခဲ့သည်။ သို့သော် အာဆင်နယ်ဘက်မှလည်း ၅၉ မိနစ်တွင် ဆာကာကန်တင်ပေးသော ဘောလုံးကို မာရီနိုက ခေါင်းတိုက်ချေပဂိုး ပြန်လည်သွင်းယူခဲ့သောကြောင့် အမှတ်ခွဲယူခဲ့ရသည်။ အခြားသော ပွဲစဉ်များတွင် လီဗာပူးလ်၊ မန်ချက်စတာယူနိုက်တက်၊ ဘရိုက်တန်၊ နယူးကာဆယ်၊ မန်စီးတီးတို့ အသီးသီး အနိုင်ရခဲ့ကြောင်း သိရသည်။