ထိုင်း-မြန်မာ နယ်စပ်၊ မဲဆောက်-မြဝတီ ချစ်ကြည်ရေးအမှတ် (၁) တံတားမှလွဲ၍ လှေဂိတ်များအားလုံးကို (၇) ရက်အကြာ ယာယီပိတ်ထားရန် ထိုင်းစစ်တပ်က ညွှန်ကြားထားကြောင်း မဲဆောက်လှေဂိတ်လုပ်ငန်းရှင်များထံမှ သိရသည်။နှစ်နိုင်ငံ ဒေသခံပြည်သူများ ဖြတ်သန်းသွားလာနေသည့် မဲဆောက်-မြဝတီ အမှတ် (၁) တံတားမှလွဲ၍ မဲဆောက်-မြဝတီ ကုန်ပစ္စည်းပို့ဆောင်နေသည့် လှေကူးဂိတ်များအားလုံးကို ထိုင်းနိုင်ငံဘက်က မနက်ဖြန် ဒီဇင်ဘာ ၁ ရက်နေ့မှစတင်၍ (၇) ရက်အကြာ ယာယီပိတ်မည်ဖြစ်ကြောင်း သိရသည်။
