နိုဝင်ဘာလ ၂၆ ရက်က အမေရိကန်ပြည်ထောင်စု၊ ဝါရှင်တန်ဒီစီမြို့တော်ရှိ အိမ်ဖြူတော်အနီး ပစ်ခတ်မှုတစ်ခု ဖြစ်ပွားခဲ့ပြီး အမျိုးသားအစောင့်တပ်ဖွဲ့ဝင်နှစ်ဦး ဒဏ်ရာရရှိခဲ့ပြီးနောက် သမ္မတ ဒေါ်နယ်ဒ် ထရမ့်ပ်၏အစိုးရက လူဝင်မှုကြီးကြပ်ရေး နှိမ်နင်းဖြိုခွင်းမှုကို အရှိန်မြှင့်တင်ခဲ့သည်။ထို့နောက် သမ္မတ၏ ကြေညာချက်အရ စိုးရိမ်ရသည့် နိုင်ငံများအဖြစ် အာဖဂန်နစ္စတန်၊ မြန်မာ၊ ချဒ်၊ ကွန်ဂိုသမ္မတနိုင်ငံ၊ အီကွေတိုရီယယ်ဂီနီ၊ အီရီထရီးယား၊ ဟေတီ၊ အီရန်၊ လစ်ဗျား၊ ဆိုမာလီယာ၊ ဆူဒန်၊ ယီမင်၊ ဘူရွန်ဒီ၊ ကျူးဘား၊ လာအို၊ ဆီယာရာလီယွန်၊ တိုဂို၊ တာ့ခ်မင်နစ္စတန်နှင့် ဗင်နီဇွဲလားတို့ ပါဝင်သည်။ထို့ကြောင့် နိုဝင်ဘာလ ၂၇ ရက်မှ စတင်ကာ အဆိုပါ နိုင်ငံ ၁၉ နိုင်ငံမှ ရွှေ့ပြောင်းနေထိုင်သူများကို စိစစ်ရာမှ ဌာနအနေဖြင့် နိုင်ငံအလိုက်သတ်မှတ်ထားသည့် အပြုသဘောမဆောင်သော အချက်များကို ထည့်သွင်းစဉ်းစားမည်ဖြစ်ကြောင်း သိရသည်။
