ထိုင်းနိုင်ငံ တောင်ပိုင်းဒေသတွင် လေဖိအားနည်းရပ်ဝန်းတစ်ခုကြောင့် မိုးသည်းထန်စွာ ဆက်လက်ရွာသွန်းပြီး ဆုန်ခလာ၊ ယာလာ၊ ပတ္တာနီ၊ နရာသီဝပ် အပါအဝင် ပြည်နယ် ၉ ခုတွင် ရေကြီးရေလျှံမှုနှင့် ရေမျက်နှာပြင် မြင့်တက်လာမည့် အန္တရာယ်များ ဆက်လက်ရှိနေကြောင်း ထိုင်းမိုးလေဝသဌာနက ထုတ်ပြန်ခဲ့သည်။ လက်ရှိတွင် တောင်ပိုင်းပြည်နယ် ၁၀ ခု၌ ရေကြီးမှုများကြောင့် လူဦးရေ ၂ သန်းနီးပါး ထိခိုက်နေပြီး ဟတ်ယိုင်မြို့ရှိ မြန်မာအလုပ်သမားများလည်း ရေဘေးဒဏ်ခံနေရကြောင်း သိရသည်။တစ်ချိန်တည်းမှာပင် ထိုင်းမြောက်ပိုင်းနှင့် အရှေ့မြောက်ပိုင်းတို့တွင် အအေးလှိုင်း ဝင်ရောက်မှုကြောင့် အပူချိန် ၂-၄ ဒီဂရီစင်တီဂရိတ် ကျဆင်းကာ အအေးဒဏ် ခံစားရမည်ဖြစ်ပြီး၊ တောင်ထိပ်များတွင် အပူချိန် ၅ ဒီဂရီစင်တီဂရိတ် အထိပင် ရောက်ရှိနိုင်ကြောင်း ထုတ်ပြန်ထားသည်။
ထိုင်းတောင်ပိုင်းတွင် မိုးသည်းထန်၍ ရေကြီးနိုင်ပြီး မြောက်ပိုင်းတွင် အအေးလှိုင်းကြောင့် အပူချိန် ၂-၄°C ကျဆင်းမည်
Nov 26 • 3:24 AM
ထိုင်း
ပြည်တွင်းသတင်း
မျှဝေမည်
 23 |  0 |  0 |  0 |
