ဂန္ထဝင်အနုပညာရှင် အကယ်ဒမီ ခင်သန်းနု ကွယ်လွန်သည်ဆိုသော သတင်းမှာ မှားယွင်း

ဂန္ထဝင်အနုပညာရှင်၊ ဝါရင့်သရုပ်ဆောင် မင်းသမီးကြီး အကယ်ဒမီ ခင်သန်းနု ကွယ်လွန်သည်ဆိုသော သတင်းများသည် သတင်းမှားများသာဖြစ်ပြီး လက်ရှိအချိန်အထိ ကျန်းမာစွာ ရှိနေကြောင်း ၎င်း၏တူမဖြစ်သူက အတည်ပြုပြောကြားခဲ့သည်။တူမဖြစ်သူက "အန်တီ မဆုံးပါဘူးရှင်၊ ကျန်းမာပါတယ်လို့ ပြောပါတယ်" ဟု ဆိုသည်။ဒေါ်ခင်သန်းနုသည် ၁၉၄၅ ခုနှစ်၊ ဒီဇင်ဘာလ ၇ ရက်တွင် မွေးဖွားခဲ့ပြီး မကြာမီ အသက် ၈၀ ပြည့်တော့မည်ဖြစ်သည်။ လက်ရှိတွင် အနည်းငယ် ရင်ကြပ်နေသော်လည်း လာမည့် ၈၀ ပြည့်မွေးနေ့အတွက် ဒီဇိုင်နာနှင့် စီစဉ်နေကြောင်း သိရသည်။ ၎င်းသည် ယခင်နှစ် အကယ်ဒမီပေးပွဲတွင် ခေတ်ပြိုင်သရုပ်ဆောင် ဒေါ်ဝါဝါဝင်းရွှေနှင့်အတူ ရုပ်ရှင်တစ်သက်တာ ထူးချွန်ဆု ကို ရရှိခဲ့သူဖြစ်သည်။