ရန်ကုန်တိုင်းဒေသကြီးရှိ မြို့နယ်များတွင် တက္ကသိုလ်၊ ဒီဂရီကောလိပ်၊ ကျောင်းသား၊ ကျောင်းသူများ ကြိုတင်မဲပေးနိုင်ကြောင်း အသံချဲ့စက်ဖြင့် လိုက်လံအသိပေးနှိုးဆော်နေကြောင်း ရန်ကုန်ဒေသခံများထံမှ သိရသည်။
ကျောင်းသွားတက်မယ့်သူတွေ မိမိတို့ ဒေသမှာမဟုတ်ဘဲ အဝေးကို ကျောင်းသွားတက်မယ့်သူတွေ ကြိုတင်မဲပေးနိုင်တယ်လို့ လိုက်အသိပေးအော်နေတာပါ”ဟု ဒလမြို့နယ်တွင် နေထိုင်သူ အမျိုးသားတစ်ဦး က ပြောသည်။
လာမည့်ရွေးကောက်ပွဲကျင်းပမည့် ဒီဇင်ဘာ (၂၈)ရက်သည် တက္ကသိုလ်၊ ဒီဂရီကောလိပ်၊ ကျောင်းသား၊ ကျောင်းသူများ ကျောင်းတက်ရောက်နေမည့်အချိန်ဖြစ်ခြင်းကြောင့် ကြိုတင်မဲပေးနိုင်ကြောင်း ပြည်ထောင်စုရွေးကောက်ပွဲကော်မရှင်က အသိပေးထားသည်။



