တရုတ်လျှပ်စစ်ကား (EV) ထုတ်လုပ်သူများသည် ဂျပန်နိုင်ငံ၏ သေးသွယ်ကျစ်လစ်သော compact ကားဈေးကွက်သို့ ဝင်ရောက်လာနေပြီး၊ ယှဉ်ပြိုင်နိုင်သော ဈေးနှုန်း၊ အကွာအဝေးခပ်ဝေး၀းသွားနိုင်သော မော်ဒယ် များဖြင့် ပြည်တွင်းထိပ်သီးကုမ္ပဏီများကို စိန်ခေါ်လျက်ရှိရာ ဂျပန်၏ လျှပ်စစ်ကားအသုံးပြုမှုဖြည်းဖြည်းချင်းပြောင်းလဲမှုကို အရှိန်မြှင့်ပေးနိုင်ဖွယ်ရှိနေကြောင်း Macaubusiness သတင်းက ဖော်ပြခဲ့သည်။မကြာသေးမီက ပြီးဆုံးခဲ့သည့် ၂၀၂၅ Japan Mobility Show,တွင် တရုတ် EV ထုတ်လုပ်သူများက စွမ်းအင်သစ်ယာဉ် (NEV) မော်ဒယ်အသစ် ဆယ်ဂဏန်းကျော်ကို ထုတ်ဖော်ပြသခဲ့ပြီး စက်မှုလုပ်ငန်းနှင့် မီဒီယာများ၏ အာရုံစိုက်မှုကိုများစွာရရှိခဲ့သည်။
ထိပ်တန်းကားထုတ်လုပ်သူ BYD သည် ပြပွဲတွင် compact all-electric “Sealion Mini EV”၊ plug-in hybrid Sealion 06DM-i နှင့် all-electric SUV ATTO 3 အပါအဝင် မော်ဒယ် ၁၃ ခုကို ပြသခဲ့သည်။ ကုမ္ပဏီက ကမ္ဘာ့ပွဲဦးထွက်အဖြစ် စီးပွားရေးသုံး ၂ မျိုးဖြစ်သည့် T35 အသေးစားလျှပ်စစ်ထရပ်ကားနှင့် K8 အကြီးစားလျှပ်စစ်ဘတ်စ်ကားကို ထုတ်ဖော်ပြသခဲ့သည်။



