ရန်ကုန်မြို့မှ လားရှိုးမြို့သို့ ခရီးသည်တင် Express ကားကြီးများသည် ပြည်ထောင်စုလမ်းမကြီးအတိုင်း ယနေ့၊ နိုဝင်ဘာလ (၈) ရက်နေ့မှ စတင်၍ ပုံမှန်အတိုင်း ပြန်လည်ပြေးဆွဲနေပြီဖြစ်ကြောင်း လားရှိုးဒေသခံ သတင်းရင်းမြစ်များထံမှ သိရပါသည်။ထို့အပြင် မြန်မာနိုင်ငံမြောက်ပိုင်းအတွက် အဓိကလမ်းကြောင်းဖြစ်သော ရန်ကုန်-မန္တလေး-ရွှေဘို-မြစ်ကြီးနား ခရီးစဉ်ကိုလည်း မကြာမီအချိန်အတွင်း နယ်မြေရှင်းလင်းမှုများ ပြီးစီးသည်နှင့်တပြိုင်နက် ပြည်ထောင်စုလမ်းမကြီးအတိုင်း ပြန်လည်ပြေးဆွဲနိုင်တော့မည်ဖြစ်ကြောင်း သတင်းများ ထွက်ပေါ်လျက်ရှိပါသည်။
