ထိုင်းအစိုးရ ဘဏ္ဍာရေးဝန်ကြီးဌာနက 2025 Thai Red Cross Lottery ကြက်ခြေနီရန်ပုံငွေ ထီကို စတင်ရောင်းချလိုက်ပြီး အဆိုပါထီတွင် ရွှေတုံးများနှင့် အခြား ဆုလက်ဆောင်အမျိုးမျိုးလည်း ပါဝင်မည်ဖြစ်သည်။ထီများကို ယမန်နေ့ နိုဝင်ဘာလ ၅ ရက်နေ့မှ စတင်၍ တစ်စောင်လျှင် ဘတ်ငွေ ၅၀ ဖြင့် ရောင်းချ နေတာဖြစ်သည်။ထီဆုများတွင် ပထမဆုကြီး ၁ဆုအတွက် ၁၀၀ ဘတ်အလေးချိန် ရွှေတုံး (၁၅၂၄.၄ ဂရမ်) ၊ ဒုတိယ ၂ ဆုအတွက် ၅ ဘတ်အလေးချိန် ရွှေတုံး(၇၆.၂၂ ဂရမ်)၊ တတိယဆု ၂၀ အတွက် ၁ ဘတ်အလေးချိန် ရွှေတုံး (၁၅.၂၄ဂရမ်) ၊ စတုတ္ထဆု ၁၀၀ အတွက် ဘတ်ဝက် ရွှေတုံး (၇.၆ ဂရမ်)၊ နောက်ပိတ်ဂဏန်း ၃ လုံးဆု ၁၀၀၀ အတွက် ၀.၂၅ ဘတ် (၃.၈ ဂရမ်) တို့ပါဝင်မည်ဖြစ်သည်။ထိုင်းရွှေ အလေးချိန်မှာ ၁ဘတ် = ၁၅.၂၄၄ ဂရမ်ဖြစ်ပါသည်။
