အမ်ဘူမိုကို အခုရာသီရဲ့ အကောင်းဆုံးခေါ်ယူမှုလို့ ရွန်နီ ချီးကျူး

မန်ယူနိုက်တက်တိုက်စစ်မှူးဟောင်း ဝိန်းရွန်နီက အသင်းတိုက်စစ်ကစားသမား အမ်ဘူမိုကို ယခုရာသီ၏ အကောင်းဆုံးခေါ်ယူမှုဟု ချီးကျူးခဲ့သည်။ အမ်ဘူမိုသည် ဘရိုက်တန်ကို ၄-၂ ဂိုးဖြင့် အနိုင်ရသည့်ပွဲ၌ အနိုင်ဂိုးနှစ်ဂိုး သွင်းယူပေးခဲ့ပြီး ပရီးမီးယားလိဂ် ကိုးပွဲတွင် လေးဂိုးသွင်းထားသည်။ ရွန်နီက အမ်ဘူမို၏ စွမ်းရည်တွင် တစ်သမတ်တည်းရှိမှုကြောင့် ဂိုးများ ဆက်လက်သွင်းယူနိုင်လိမ့်မည်ဟု မှတ်ချက်ပြုခဲ့သည်။ အမ်ဘူမို (၂၆ နှစ်) သည် ပြီးခဲ့သည့်ရာသီက ပရီးမီးယားလိဂ် ၃၈ ပွဲတွင် ဂိုး ၂၀ သွင်းယူခဲ့ဖူးသူဖြစ်သည်။