ထိုင်းတွင် ဘုရင့်မယ်တော် နတ်ရွာစံခြင်းကြောင့် ဝမ်းနည်းခြင်းဝတ်စုံ ဝယ်လိုအား မြင့်တက်၊ နိုင်ငံခြားသားများ လိုက်နာရန် အသိပေး

ထိုင်းဘုရင့်မယ်တော် မိဖုရားကြီး သီရိခေတ် နတ်ရွာစံခြင်းအတွက် ထိုင်းဝန်ကြီးချုပ်က ပြည်သူလူထုအား ရက်ပေါင်း ၉၀ ကြာ အနက်ရောင် သို့မဟုတ် အရောင်ဖျော့ ဝမ်းနည်းခြင်းဝတ်စုံ ဝတ်ဆင်ရန် မေတ္တာရပ်ခံလိုက်သည့်အတွက် ယနေ့ညနေမှစ၍ ဘန်ကောက်မြို့ရှိ ပတူနန်း၊ ဘိုဘေးနှင့် ပလက်တီနမ်ကဲ့သို့သော လက်ကားဈေးများတွင် အမဲရောင်အင်္ကျီများ ဝယ်လိုအား မြင့်တက် နေသည်။ အစိုးရက ဖျော်ဖြေရေးပွဲများကို တရားဝင်ပိတ်ပင်ခြင်းမရှိဘဲ သင့်တင့်လျောက်ပတ်စွာ ကျင်းပရန်သာ တောင်းဆိုထားသော်လည်း၊ ဖျော်ဖြေပွဲစီစဉ်သူများက ပရိသတ်များကို အဖြူ သို့မဟုတ် အမည်းရောင် ဝတ်စုံသာ ဝတ်ဆင်ရန် မေတ္တာရပ်ခံနေသဖြင့် ထိုင်းနိုင်ငံသို့ လာရောက်လည်ပတ်သူများအနေဖြင့် ဤအခြေအနေကို သတိပြုပြီး အဖြူ/အမည်း အင်္ကျီများ ဆောင်လာသင့်ကြောင်း အသိပေးလိုက်သည်။