ရန်ကုန်မြို့၌ အောက်တိုဘာ ၂၅ ရက် ညက ကျင်းပနေတဲ့ Idiots Band နှုတ်ဆက်ဖျော်ဖြေပွဲမှာ ကွယ်လွန်သူ အဆိုတော် ရေမွန်ရဲ့ "မငိုနဲ့တော့" သီချင်းကို သီဆိုနေရင်း အဆိုတော် Adino လဲကျ ကွယ်လွန်ခဲ့ကြောင်း သိရပါတယ်။ဒီကနေ့ည ကျင်းပနေတဲ့ IDF (Idiots ရဲ့နောက်ဆုံးနှုတ်ဆက်ပွဲမှာ) ဖျော်ဖြေနေရင်း ရုတ်တရက်လဲကျသွားခဲ့လို့ အရေးပေါ်အသက်ကယ်ဆယ်မှုတွေပြုလုပ်ပြီး ဆေးရုံကိုပို့ခဲ့ကြပေမယ့်လည်း ကွယ်လွန်သွားခဲ့ကြောင်း IDIOTS တီးဝိုင်းက ဂစ်တာသမား ဖိုးလုံးက စင်ပေါ်မှာ အတည်ပြု ကြေညာခဲ့တယ်လို့ ရှိုးပွဲလာပရိသတ်တစ်ဦးက ပြောပါတယ်။သူဟာ နှလုံးသွေးကြောပိတ်လို့ ခွဲစိတ်မှုခံယူထားရပြီး စတန့်မ်နှစ်ချောင်းထည့်ထားရသူဖြစ်လို့ Heart Attack ကြောင့်ဖြစ်နိုင်ကြောင်း နီးစပ်သူတွေက လူမှုကွန်ယက်မှာ မှတ်ချက်ပြုကြပါတယ်။
