ရန်ကုန်မြို့အတွင်းမှာ ပြေးဆွဲနေတဲ့ YBS ကားတွေကို ရေဆေးပြီးမှ ဂိတ်ဖွင့် ပြေးဆွဲခွင့်ပေးဖို့ ရန်ကုန်တိုင်းအစိုးရအဖွဲ့က ညွှန်ကြားထားတယ်လို့ သိရပါတယ်။ မြို့တော် အင်္ဂါရပ်နဲ့ညီအောင် ကားတွေရဲ့ ခေါင်မိုးတွေပါ ရေဆေးဖို့နဲ့ ဆေးကွာတာရှိရင်လည်း ဆေးအမြန်သုတ်ဖို့ ပြောထားတယ်လို့ ဆိုပါတယ်။ လက်ရှိ ရန်ကုန်မြို့တွင်းမှာ နေ့စဉ် YBS ကားစီးရေ ၃,၅၀၀ နီးပါးပြေးဆွဲနေပြီး စီးနင်းသူ ၁၄ သိန်းနီးပါး ရှိတယ်လို့ ရန်ကုန်တိုင်း ပုဂ္ဂလိက သယ်ယူပို့ဆောင်ရေး ကြီးကြပ်မှုကော်မတီ(YRTC)က ထုတ်ပြန်ထားပါတယ်။
