ထိုင်းနိုင်ငံ၊ချင်းမိုင် အာဏာပိုင်တွေက နိုဝင်ဘာ ၅ ရက်နဲ့ ၆ ရက်နေ့တွေမှာ ကျင်းပမယ့် ၂၀၂၅ ခုနှစ် Yi Peng Lanna မီးပုံးပျံပွဲတော်အတွင်းမှာ ခရိုင် ၆ ခုကို အထူးစောင့်ကြည့်ဇုန်တွေအဖြစ် သတ်မှတ်ပြီး မီးပုံးပျံတွေ၊ မီးရှူးမီးပန်းတွေနဲ့ အလားတူအရာဝတ္ထုတွေကို လွှတ်တင်ခွင့် တားမြစ်ထားကြောင်း ကြေညာလိုက်ပါသည်။မီးပုံးပျံနဲ့ မီးရှူးမီးပန်းတွေကို ခွင့်ပြုထားတဲ့ နေရာတွေနဲ့ သတ်မှတ်ထားတဲ့ အချိန်တွေမှာသာ လွှတ်တင်ခွင့်ပြုမှာ ဖြစ်ပါတယ်။ စည်းကမ်းချက်တွေကို ချိုးဖောက်သူတွေဟာ ထောင်ဒဏ် ၅ နှစ်အထိ၊ ငွေဒဏ် ဘတ် ၂၀၀,၀၀၀ အထိ ဒါမှမဟုတ် ဒဏ်နှစ်ရပ်လုံး ကျခံရနိုင်ပါသည်။မြို့နယ်ခွဲ ၃၉ ခု ပါဝင်တဲ့ အောက်ပါခရိုင် ၆ ခုကို မီးပုံးပျံနဲ့ မီးရှူးမီးပန်းတွေ လွှတ်တင်ခွင့် လုံးဝတားမြစ်ထားတဲ့ အထူးစောင့်ကြည့်အဆင့် ၁ (အနီရောင်ဇုန်) အဖြစ် သတ်မှတ်ထားပါသည်။
Mueang Chiang Mai – မြို့နယ်ခွဲအားလုံး
Hang Dong – မြို့နယ်ခွဲအားလုံး
Saraphi – Khuamung, Don Kaew, San Sai, Tha Wang Tan, Nong Phueng
San Sai – Nong Han
Mae Rim – Don Kaew, Mueang Kaew, Rim Tai, Mae Sa, Rim Nuea
San Pa Tong – Thung Tom
လေယာဉ်ပျံသန်းမှု ဘေးကင်းရေးအတွက် သတ်မှတ်ထားတဲ့ Toffy Zone မှာလည်း မီးပုံးပျံနဲ့ မီးရှူးမီးပန်းဆိုင်ရာ လုပ်ဆောင်မှုအားလုံးကို တားမြစ်ထားတာဖြစ်ပါသည်။
