ပြင်ဦးလွင်မြို့ရှိ သုမင်္ဂလာ ၆ ထပ်အဆင့်မြင့်ဈေးသစ်ကို ကျပ်သိန်း ၆၅၀ မှစတင်ငှားရမ်းမည်ဖြစ်ပြီး ဒေသခံ ကုန်သည်များ စိုးရိမ်

မန္တလေးတိုင်း၊ ပြင်ဦးလွင်မြို့ကို "Smart City" အဖြစ် ပုံဖော်လာတဲ့ စစ်ခေါင်းဆောင် ဗိုလ်ချုပ်မှူး ကြီး မင်းအောင်လှိုင်ဟာ ယမန်နေ့ အောက်တိုဘာ ၂ ရက်နေ့က ပြင်ဦးလွင် သုမင်္ဂလာ ၆ ထပ် အဆင့်မြင့်ဈေးသစ်(ညံတောစျေး) တည်ဆောက်နေတာကို သွားရောက်ကြည့်ရှုခဲ့ပါတယ်။ ယင်းဈေးရှိ ဆိုင်ခန်းများကို တင်ဒါစနစ်ဖြင့် အနည်းဆုံး သိန်း ၆၅၀ မှ စတင် ငှားရမ်းမှာဖြစ်ပြီး အရင်ဈေးဆိုင်ရှင် ဒေသခံ ကုန်သည်တွေက တွက်ခြေမကိုက်မှာကို စိုးရိမ်မှုတွေရှိနေကြောင်း သိရပါတယ်။