ရှမ်းပြည်နယ်၊လင်းခေမြို့နယ်တွင် ယမန်နေ့ ညနေပိုင်းတွင် မိုးသည်းထန်းစွာရွာသွန်းမှုဖြစ်ပွားပြီး ပုန်းထွန်ကျေးရွာအုပ်စု၊ ပန်ပေါင်းကျေးရွာအနီးရှိ ရေကျော်လျက်ရှိသော လမ်းပိုင်းနေရာ၌ ယာဉ်အမြင့်များသာ ဖြတ်သန်းသွားနိုင်ပြီး၊ ယာဉ်ငယ်များ သွားလာနိုင်ခြင်းမရှိဖြစ်ခဲ့ပါသည်။ထို့ကြောင့် ယာဉ်သွားလာမှု ပြတ်တောက်မှု မရှိစေရေးအတွက် လင်းခေးခရိုင်၊ မြို့နယ် မီးသတ်စခန်းများမှ ရှာဖွေကယ်ဆယ်ရေးတပ်ဖွဲ့ဝင်များ၊ သက်ဆိုင်ရာအဖွဲ့အစည်းများ ပူးပေါင်း၍ ယာဉ်ကြီး၊ ယာဉ်ငယ်များ သွားလာနိုင်ရေးအတွက် ကူညီဆောင်ရွက်ခဲ့ပါသည်ဟု တာဝန်ရှိသူများက ပြောကြားခဲ့ပါသည်။
