ညောင်ရွှေမြို့နယ် ဖောင်တော်ဦးဘုရား ညောင်ရွှေမြို့သို့ ရောက်လာစဥ် လာရောက်လည်ပတ်သူတချို့ဖုန်းနှင့် တန်ဖိုးကြီးပစ္စည်းများ အခိုးခံရကြောင်းလည်ပတ်သူများထံမှ သိရသည်။ရှမ်းပြည်နယ်တောင်ပိုင်း၊ ညောင်ရွှေမြို့နယ် ဖောင်တော်ဦးဘုရား ညောင်ရွှေမြို့သို့ရောက်လာစဥ် ညောင်ရွှေဘုရား ဈေးပွဲတော်တွင် သူခိုးများအခွင့်ကောင်းယူ၍ လာရောက်လည်ပတ်သူ၏ ဖုန်းနှင့် တန်ဖိုးကြီးပစ္စည်းများ ခိုးနေကြသည်။
ဈေးပွဲတော်အား ၃ ရက်ကျင်းပစဥ်အတွင်း လူစုလူဝေးများကာ ပွဲသို့ လာရောက်လည်ပတ်သူများ၏ ဖုန်းအပြင် ရွှေဆွဲကြိုးများလည်း ခိုးခံရကြောင်း သိရသည်။ယခုခေတ်တွင် လူအများစု စုစည်းနေသော နေရာတိုင်းတွင် ခိုးဆိုးမှုများ ပြင်းထန်နေပြီး၊ သူခိုးများသည် ပွဲတော်အချိန် လူစုလူဝေးများကို အခွင့်ကောင်းယူကာ ခိုးမှုများ ပိုမိုဖြစ်ပေါ်နေသည်။
ညောင်ရွှေမြို့ ဖောင်တော်ဦးဘုရားပွဲသည် စက်တင်ဘာလ (၂၈)ရက်မှ (၃၀)ရက်နေ့အထိ ကျင်းပမည်ဖြစ်ပါတယ်။
