ရှမ်းပြည်တောင်ပိုင်း၊ဖောင်တော်ဦးဘုရား ငါးဖယ်ချောင်းမှ ကြေးစားကုန်းကျောင်းသို့ကြွချီစဥ် ဘုရားဆွဲလှေတစ်စီး နစ်မြုပ်ခဲ့

ရှမ်းပြည်နယ်တောင်ပိုင်း ညောင်ရွှေမြို့နယ် အင်းလေးဒေသတွင် စက်တင်ဘာလ ၂၆ ရက်က အင်းလေးကန် ဖောင်တော်ဦး ရုပ်ရှင်တော်မြတ်များ ဒေသစာရီ ကြွချီ အပူဇော်ခံပွဲတော် ငါးရက်မြောက်နေ့အဖြစ် ငါးဖယ်ချောင်းမှ မနက်ပိုင်း ၇ နာရီ စတင် ထွက်ခွာပြီး ကြေးစားကျောင်းသို့ ဘုရားကြွချီစဥ် ဘုရားဆွဲလှေ တစ်စီး အသွားခရီးတွင် နစ်မြုပ်ခဲ့တာဖြစ်ပါသည်။"ဘုရား ဆွဲလှေ အသွားမှာ မှောက်ပြီး မြုပ်တယ် ။ ဒါပေမယ့် ပြန် ဆယ်ယူလို့ ရပါတယ်။ လူသူ ထိခိုက်မှု မရှိပါဘူး”ဟု အင်းလေးကန် ဒေသခံ တစ်ဦးက ပြောသည်။ထိုသို ဘုရားဆွဲလှေနှစ်မြှုပ်ရာတွင် ထိခိုက်ဆုံးရှုံးမှုမရှိဘဲ ထိုနေ့သည် ဘုရားဆွဲလှေ အများဆုံး အစီးရေ (၇၀) စီး အထိလိုက်ပါ ပူဇော်ခဲ့သည့်နေ့လည်းဖြစ်သည်။