အာဆင်နယ်အသင်းရဲ့ ဘရာဇီးလ်တိုက်စစ်ကစားသမား မာတင်နယ်လီက အရန်ကစားသမားအဖြစ် ရပ်တည်လိုခြင်းမရှိဘဲ ပွဲတိုင်းမှာ ပွဲချိန်ပြည့်ကစားခွင့်ရချင်တယ်လို့ မန်စီးတီးနဲ့ပွဲအပြီးမှာ ပြောကြားခဲ့ပါသည်။မာတင်နယ်လီဟာ မန်စီးတီးအသင်းနဲ့ (၁-၁)ဂိုး သရေကျတဲ့ပွဲမှာ ပွဲချိန်မိနစ်(၈၀)ရောက်မှ လူစားဝင်ကစားခွင့်ရခဲ့ပြီး (၉၀+၃)မိနစ်မှာ အသင်းအတွက် အဖိုးတန်ချေပဂိုးကို သွင်းယူပေးနိုင်ခဲ့တာဖြစ်ပါသည်။အာဆင်နယ်နည်းပြ အာတေတာကတော့ မာတင်နယ်လီရဲ့ အဆုံးသတ်ဂိုးသွင်းပုံကို မယုံနိုင်အောင် ဖြစ်ခဲ့ရကြောင်း ချီးကျူးခဲ့ပါသည်။
