ထိုင်းနိုင်ငံ၊ အယုဒ္ဓယခရိုင်၊ ဆင်ထိဝါမြို့ရှိ စက်ရုံတစ်ခုတွင် MOU အလုပ်သမားအဖြစ် လုပ်ကိုင်နေသော ကိုမိုးထက်ယံ (၂၆ နှစ်)သည် စက်ရုံ၌ လုပ်ကိုင်ခဲ့သည်မှာ နှစ်လကျော်ရှိပြီဖြစ်သည်။
၂၀၂၅ ခုနှစ်၊ စက်တင်ဘာလ ၁၈ ရက် နေ့လည် ၂ နာရီခန့်က စက်ရုံအတွင်း ဖြစ်ပွားခဲ့သော အဖြစ်အပျက်တစ်ခုကြောင့် သူသည် ဆေးရုံသို့ အလျင်အမြန် ပို့ဆောင်ခံခဲ့ရပြီး ထိုည ၁ နာရီတွင် ကွယ်လွန်သွားခဲ့သည်။ စက်ရုံမှ မြန်မာစကားပြန်က သူငယ်ချင်းများ အချင်းချင်း နောက်ပြောင်ရင်းဖြစ်ခဲ့သည်ဟု ဖြေကြားခဲ့သည်။သို့ရာတွင် ကွယ်လွန်သူ၏ ဇနီးနှင့် အစ်ကိုတို့မှာ ဖြစ်စဉ်အမှန်ကို မသိရှိရသဖြင့် ကျေနပ်မှုမရှိခဲ့ပေ။
