မော်လမြိုင်မြို့ကနေ ထိုင်းနိုင်ငံမှာ လာရောက်အလုပ်လုပ်ကိုင်နေတဲ့ မြန်မာရွှေ့ပြောင်းလုပ်သားဇနီးမောင်နှံနှစ်ဦးဟာ စက်တင်ဘာလ ၁၆ ရက် မနေ့က ဖွင့်လှစ်ခဲ့တဲ့ ထိုင်းအစိုးရထီဖွင့်ပွဲမှာ ဘတ် (၆) သန်းဆုပေါက်ပြီး ကံထူးရှင်ဖြစ်ခဲ့တယ်လို့ သိရပါတယ်။အဆိုပါ မြန်မာလုပ်သားဇနီးမောင်နှံနှစ်ဦးဟာ ထိုင်းနိုင်ငံ၊ စမွတ်ဆာခွန်ရိုင်၊ မဟာချိုင်မြို့ရှိ သံရည်ကြိုစက်ရုံမှာ အလုပ်လုပ်နေတာဖြစ်ပြီး မြန်မာနိုင်ငံ၊ မော်လမြိုင်မြို့ကနေ ထိုင်းကို လာရောက်အလုပ်လုပ်ကိုင်နေတာ နှစ်ပေါင်း (၂၀) ကျော်ကြာပြီဖြစ်တယ်လို့ သိရပါတယ်။
