ရှမ်းပြည်နယ်၊တောင်ကြီးမြို့၌ မီးပျက်ချိန်များလာသဖြင့် ပြည်သူများနှင့် လျှပ်စစ်မီး ဖြင့်အလုပ်လုပ်သူများ အခက်အခဲ ကြုံတွေ့နေရကြောင်း သိရပါတယ်။ရှမ်းပြည်နယ်တောင်ပိုင်း တောင်ကြီးမြို့တွင် ၂၀၂၅ ခုနှစ် စက်တင်ဘာ အစောပိုင်းမှ စ၍ မီးပျက်ချိန် ပိုများလာပြီး ရပ်ကွက်အတွင်း မီးအားနည်းခြင်း ၊ မီးအားမပြည့်ခြင်းကြောင့် လုပ်ငန်းရှင်များ၊ လျှပ်စစ်နှင့်ဆိုင်သည့်လုပ်ငန်းများ အခက်ခဲကြုံနေရပါတယ်။တောင်ကြီးမြို့ ၊ ရပ်ကွက်အတွင်း မီးအား မပြည့်ခြင်း ၊ မီးအား အတက်အကျ မမှန်ခြင်း တို့ကြောင့် အလုပ်လုပ်မရအောင် ဆိုးရွားနေခြင်း ဖြစ်ပါတယ်။ရပ်ကွက်နေ ပြည်သူ တစ်ဦးက"ဟိုတစ်လောတုန်းက ညဘက် ၂ နာရီလောက် မိုးကြိုးပစ်တဲ့ ရက်က စပြီးတော့ မနက်ပိုင်း မီးပျက်သွားတာ ၂ ရက် ကြာတယ်။ တစ်ရက်ခွဲလောက် လုံး၀ မလာတော့ ဘာအလုပ်မှ လုပ်မရဘူး။ နောက်ပြန်လာတော့ လည်း တစ်ရက်ကို ၄ နာရီ ပြည့်အောင် မလာဘူး။ လာတဲ့အခါမှာလည်း မီးအား မပြည့်ဘူး။ နေ့နေ့ညည အဲ့ အတိုင်းပဲ။”ဟု ဆိုသည်။တောင်ကြီး တွင်မနက်အစောပိုင်းတွင် မီးပျက်လေ့ ရှိပြီး ၊ မနက် ၁၀ နာရီအချိန်တွင် ၂ နာရီခန့် လာလေ့ ရှိကြောင်း ၊ ညနေပိုင်းတွင်လည်း ၂ နာရီ ခန့် လာပြီး ၊ ညဘက် လူအိပ်ချိန်မှ ပြန်လာလေ့ ရှိပါတယ်။
