ဘန်ကောက်ရှိ Safari World တွင် ဝန်ထမ်းတစ်ဦး ခြင်္သေ့တစ်အုပ်ရဲ့ ကိုက်သတ်တာ ခံရပြီးနောက် အမျိုးသားဥယျာဉ်၊ တောရိုင်းတိရစ္ဆာန်နဲ့ အပင်ထိန်းသိမ်းရေးဌာန (DNP) က စက်တင်ဘာလ ၁၀ ရက် ဗုဒ္ဓဟူးနေ့မှာ safari zone ကို ယာယီပိတ်ထားရန် ကြေငြာခဲ့ပါသည်။ကမ္ဘာလှည့်ခရီးသွားများရှေ့တွင်ပင် ခြင်္သေ့များ၏ တိုက်ခိုက်မှုဖြစ်ပွားခဲ့တာလည်း ဖြစ်ပါသည်။ထိုဖြစ်ရပ် ဗီဒီယိုဖိုင်ဟာလည်း ဆိုရှယ်မီဒီယာမှာ ကျယ်ကျယ်ပြန့်ပြန့် ပျံ့နှံ့သွားပြီးနောက် ရဲတွေကလည်း စုံစမ်းစစ်ဆေးမှုတွေကို အရှိန်မြှင့်လုပ်ဆောင်နေသည်ဟု ထုတ်ပြန်ထားပါသည်။ခရီးသွားတွေကို သူတို့၏ ကားတွေပေါ်မှ တိရစ္ဆာန်တွေကို ကြည့်ရှုခွင့်ပေးထားသည့် drive-thru zone မှာ ဖြစ်ပွားခဲ့တာကြောင့် ယခုလို ယာယီပိတ်ထားလိုက်တာဖြစ်ပါသည်။
