သွေးလင်းထက်ရဲ့ ပွဲစဉ် ပါဝင်နေတဲ့ ONE Friday Fights 126 ပြိုင်ပွဲ လက်မှတ်အားလုံးကုန်ပြီ

စက်တင်ဘာလ ၂၆ ရက်နေ့ကိုရောက်ရင်ကျင်းပမယ့် ONE Friday Fights 126 ပြိုင်ပွဲမှာမြန်မာဖိုက်တာ သွေးလင်းထက်ရဲ့ ပွဲစဉ်နဲ့အတူ ပွဲစဉ်ကောင်းပေါင်းများစွာ ပါဝင်တဲ့ ONE Friday Fights 126 ပြိုင်ပွဲကြီးအတွက် လက်မှတ်အားလုံး ရောင်းကုန်သွားပြီလို့ ONE က ထုတ်ပြန်ကြေညာလိုက်ပါတယ်။ ခေါင်ပွဲမှာ အစောပိုင်းက တာဝမ်ချိုင်းကို ပွဲတည်ပေးထားခဲ့ပေမယ့် ဒဏ်ရာပြဿနာကြောင့် တာဝမ်ချိုင်း နုတ်ထွက်သွားတာကြောင့် ရှဲဒိုး ကို Short Notice နဲ့ အစားထည့်ခဲ့ပါတယ်။ ရှဲဒိုး ဟာလည်း ဖိုက်တာကောင်းတစ်ယောက်ဖြစ်လို့ ပြိုင်ပွဲ Tempo က လျော့ကျသွားဖို့ မရှိပါဘူး။ မြန်မာဖိုက်တာ သွေးလင်းထက်ဟာလည်း အဲ့ဒီညမှာ အောင်ပွဲရယူနိုင်ခဲ့ရင် အမေရိကန်ဒေါ်လာ တစ်သိန်းတန်စာချုပ်ကြီးရသွားဖို့ရှိနေပြီလို့ သတင်းထွက်ပေါ်နေပါတယ်။ လက်ရှိမှာတော့ ONE Friday Fights 126 ပြိုင်ပွဲအတွက် လက်မှတ်အားလုံး ရောင်းကုန်သွားခဲ့ပါပြီ။