ဆန္ဒပြမှုများတွင် လူပေါင်း ၂၂ ဦး သေဆုံးခဲ့ပြီး မြို့တော် ကတ်မန်ဒူးရှိ ပါလီမန်အဆောက်အအုံအပါအဝင် အခြားအစိုးရ အဆောက်အအုံများနှင့် နိုင်ငံရေးသမားများ၏ နေအိမ်များကို မီးရှို့ခဲ့ကြသည်။ အစိုးရက WhatsApp၊Instagram နှင့် Facebook ကဲ့သို့ လူမှုမီဒီယာ ပလက်ဖောင်း ၂၆ ခုကို ပိတ်ပင်ခဲ့သည့် ဆုံးဖြတ်ချက်က ယင်းဆန္ဒပြမှုများကို စတင်ဖြစ်ပေါ်စေခဲ့ခြင်း ဖြစ်သည်။ဆန္ဒပြသူများသည် လူမှုမီဒီယာ ပိတ်ပင်မှုကို ပြန်လည်ရုပ်သိမ်းရန်နှင့် နိုင်ငံရေးသမားများကြား အမြစ်တွယ်နေသော အကျင့်ပျက်ခြစားမှုကို အဆုံးသတ်ရန် တောင်းဆိုခဲ့ကြသည်။ယင်းဆန္ဒပြမှုများကို Gen Z ဟု သတ်မှတ်ကြသည့် လူငယ်များက ဦးဆောင်ခဲ့ခြင်းဖြစ်သည်။၎င်းတို့သည်“Nepo Baby” နှင့် “Nepo Kids” ဟူသော hashtag များကို အသုံးပြုကာ နိုင်ငံရေးသမားများ၏ ချမ်းသာကြွယ်ဝမှုနှင့် ၎င်းတို့၏ဇိမ်ခံဘဝများကို ရှုတ်ချခဲ့ကြသည်။ လက်ရှိတွင် နီပေါနိုင်ငံကို မည်သူ ဦးဆောင်မည်ကို ရှင်းရှင်းလင်းလင်း မသိရသေးဘဲ စစ်တပ်က အခြေအနေကို ထိန်းချုပ်ရန် ဝင်ရောက်လာဖွယ်ရှိကြောင်း သတိပေးခဲ့သည်။
