မြန်မာနိုင်ငံတွင်း ငလျင်ပြန်လည်ထူထောင်ရေးအတွက် ဘိလပ်မြေအိတ် (၅)သန်းကျော် ဖြန့်ဝေ ရောင်းချပေးမည်ဖြစ်

မြန်မာနိုင်ငံဘိလပ်မြေထုတ်လုပ်သူများအသင်း၏  (၄)ကြိမ်မြောက် ညှိနှိုင်းအစည်းအဝေးကို စက်တင်ဘာ(၉)ရက်က ကျင်းပစဥ် ပြည်ထောင်စုဝန်ကြီးမှ ငလျက်လှုပ်ခတ်မှုကြောင့် ပြန်လည်ထူထောင်ရေးလုပ်ငန်းများ ဆောင်ရွက်နိုင်ရန် ဘိလပ်မြေအိတ်  (၅ ဒသမ ၃၄)သန်းကို ဖြန့်ဝေ ရောင်းချနိုင်ရန် ဘိလပ်မြေထုတ်လုပ်သူများအသင်းနှင့် ညှိနှိုင်းထားပြီးဖြစ်သည်ဟု ပြောကြားခဲ့သည်။ထို့အပြင် ဘိလပ်မြေစက်ရုံများအနေဖြင့်လည်း ကျောင်းသားကျောင်းသူများ လက်တွေ့လာရောက်ကွင်းဆင်းရာတွင် လက်ခံဆောင်ရွက်ပေးနိုင်ရေး စီမံဆောင်ရွက်ပေးရန်လည်း ၎င်းမှ ပြောကြားခဲ့သည်။