မန္တလေးတွင် ဆိုင်ကယ်ဈေးများ အဆမတန် တက်လာပြီး ဝယ်ယူသူနည်းပါး

မန္တလေး ဆိုင်ကယ်ဈေးကွက်တွင် ဈေးနှုန်းများအဆမတန်မြင့်တက်လာပြီး အရောင်းအဝယ်မှာတော့နည်းပါး‌နေကြောင်း ဆိုင်ကယ်လုပ်ငန်းလုပ်ကိုင်သူများက ပြောကြားသည်။ဆိုင်ကယ် ဈေးနှုန်းများမှာ လိုင်စင်မဲ့ယာဥ်ဖမ်းဆီးခြင်းနှင့် ငွေဈေး မတည်ငြိမ်ခြင်းတို့ကြောင့် ထိုးတက်လာခဲ့တာဖြစ်ပါသည်။သာမန် လက်လုပ်လက်စားများ ဘယ်လိုမှ မဝယ်နိုင်တော့သည်အထိ မြင့်တက်လာတာမို့ အရောင်းပင် ရှိကာ အဝယ်မရှိ ဖြစ်နေတာဖြစ်သည်ဟု ဆိုင်ကယ်လုပ်ငန်းရှင်တစ်ဦးမှ ပြောကြားပါသည်။ဆိုင်ကယ်ဈေးနှုန်းများမှာ တစ်လအတွင်း ၂ ဆကျော်အထိမြင့်တက်ခဲ့ကာ တရုတ်ထုတ်ဆိုင်ကယ် အမျိုးအစားများသည်ပင် တစ်စီးကို အနည်းဆုံး မြန်မာငွေကျပ် သိန်း ၃၀ ကျော်အထိရှိလာတာလည်းဖြစ်ပါသည်။