ယနေ့ည လအပြည့်ကြတ်ခြင်းကို မြန်မာနိုင်ငံနှင့် ထိုင်းနိုင်ငံတွင်လည်း မြင်တွေ့ရမည်ဖြစ်

ယနေ့ စက်တင်ဘာ (၇)ရက် ညပိုင်းမှ စက်တင်ဘာ (၈)ရက် နံနက်ပိုင်းအထိ လအပြည့်ကြတ်ခြင်းဖြစ်စဉ် ဖြစ်ပွားမည်ဖြစ်ပါသည်။ထိုဖြစ်စဥ်ကို မြန်မာနိုင်ငံတွင်လည်း မြင်တွေ့ရမည်ဖြစ်ကြောင်း မြန်မာ့နက္ခတာရာနှင့် သိပ္ပံပညာဝါသနာရှင်များအသင်းက ပြောကြားသည်။လအပြည့်ကြတ်မည့် အဆင့်တခုတည်းကို (၁)နာရီနှင့် (၂၂) မိနစ်ကြာ မြင်တွေ့ရမည်ဖြစ်ပါသည်။ ထို့အပြင် လကြတ်ခြင်းဖြစ်စဉ်အစအဆုံးမှာ (၅) နာရီ (၂၇)မိနစ်ခန့် ကြာမြင့်မည်ဖြစ်ကြောင်း ၎င်းတို့မှ ပြောကြားထားသည်။လစတင်ကြတ်ချိန် မှာ မြန်မာ စံတော်ချိန် ည (၁၀)နာရီ(၅၇) မိနစ်၊တွင် လကြတ်ခြင်းဖြစ်ပွားမည်ဖြစ်ပါသည်။ ည (၁၂)နာရီတိတိ၊ လအပြည့်အကြတ်ဆုံးဖြစ်မှာလည်းဖြစ်ပါသည်။ လကြတ်ချိနိ လမှာ သွေးနီရောင်အဖြစ် ပြောင်းလဲသွားမည်လည်းဖြစ်ပါသည်။ပထမ(၁)ကြိမ် လကြတ်ခြင်းဖြစ်စဉ်ကို မြန်မာနိုင်ငံက မမြင်လိုက်ရ‌သော်လည်း ယခုတစ်ခေါက်ဖြစ်ပေါ်မည့် လကြတ်ခြင်းဖြစ်စဉ်ကို မြန်မာနိုင်ငံအပါအဝင် ဘန်ကောက်နှင့် အာရှတိုက်တွင်လည်း မြင်တွေ့ရမည်ဖြစ်ပါသည်။