မဲဆောက်ဈေးထဲက မြန်မာဈေးသည်တွေရဲ့ရန်ပွဲပြီးသွားပေမယ့် ဖမ်းဆီမှုတွေ မရပ်သေး

ထိုင်း-မြန်မာနယ်စပ် မဲဆောက်မြို့ ဈေးထဲမှာ မြန်မာဈေးသည်တွေရဲ့ရန်ပွဲပြီးသွားပေမယ့် ဖမ်းဆီမှုတွေကတော့ မရပ်သေးဘဲ ဒီကနေ့ ဩဂုတ်လ ၂၆ ရက် နေ့လယ်မှာလည်း ဈေးရောင်းနေတဲ့ မြန်မာဈေးသည်တွေကို ထိုင်းရဲက ဖမ်းဆီးပြီး ရောင်းကုန်ပစ္စည်းတွေကိုပါ သိမ်းဆည်းလိုက်တယ်လို့ သိရပါတယ်။ အဲဒီ မဲဆောက်ဈေးမှာ မြန်မာဈေးသည် အမျိုးသမီးတွေဟာ ပြီးခဲ့တဲ့ သြဂုတ် ၂၃ ရက်နဲ့ ၂၄ ရက်နေ့တို့မှာ နှစ်ရက်ဆက်တိုက် ခိုက်ရန်ဖြစ်ပွား အော်ဟစ်ဆဲဆိုခဲ့ကြပြီးတဲ့နောက် ထိုင်းရဲတွေကလည်း တရားမဝင် ဈေးရောင်းချနေတဲ့ မြန်မာဈေးသည်တွေကို ဩဂုတ် ၂၅ ရက်နဲ့ ၂၆ ရက်တွေမှာ ဆက်တိုက်ဖမ်းဆီးနေတာပါ။