အမျိုးသမီးလက်ရွေးစင်အသင်း ဗိုလ်လုပွဲတက်ရောက်မှုအတွက် နိုင်ငံတော်ဂုဏ်ပြုငွေ ချီးမြှင့်

ဗီယက်နမ်တွင် ကျင်းပနေသော ၂၀၂၅ အာဆီယံအမျိုးသမီးချန်ပီယံရှစ် ပြိုင်ပွဲတွင် ထိုင်းအသင်းကို ၂–၁ ဂိုးဖြင့် အနိုင်ရပြီး ဗိုလ်လုပွဲသို့ တက်ရောက်နိုင်ခဲ့သည့် မြန်မာ့အမျိုးသမီးလက်ရွေးစင်အသင်းအား နိုင်ငံတော်လုံခြုံရေးနှင့်အေးချမ်းသာယာရေးကော်မရှင်ဥက္ကဋ္ဌမှ ဂုဏ်ပြုငွေ ဒေါ်လာ ၃၀,၀၀၀ နှင့် ကျပ် ၂၀၀ သိန်း ချီးမြှင့်ခဲ့သည်။ အသင်းသားများကို စည်းလုံးညီညွတ်စွာ ကြိုးစားရန် တိုက်တွန်းကာ ဗိုလ်လုပွဲတွင် နိုင်ငံ့ဂုဏ်ဆောင်နိုင်ဖို့ အားပေးခဲ့ပြီး၊ ကစားသမားများလည်း အစွမ်းကုန်ယှဉ်ပြိုင်ကစားရန် ကတိပြန်ကြားခဲ့ကြသည်။ ဗိုလ်လုပွဲသည် ဩဂုတ် ၁၉ ရက် ည ၇:၃၀ နာရီတွင် Lach Tray Stadium တွင် မြန်မာအသင်းနှင့် ဩစတြေးလျအသင်းတို့ ယှဉ်ပြိုင်မည်။