ရန်ကုန်မြို့ပတ်ရထားလမ်းပိုင်း အဆင့်မြှင့်တင်စီမံကိန်းအတွင်း ဆောက်လုပ်ပြီးစီးသည့် ရထားဘူတာ ၁၀ ဘူတာကို အသုံးပြုလို့ရပြီဖြစ်ပြီး ဟံသာဝတီနှင့် တံတားကလေးဘူတာ ၂ ဘူတာမှာ ဆောက်လုပ်ဆဲဖြစ်ကြောင်း မြန်မာ့မီးရထားကဖော်ပြထားသည်။ဆောက်လုပ်ပြီးဘူတာများတွင် လက်မှတ်ရုံးသစ်၊ အီလက်ထရောနစ်ထိန်းချုပ်ခန်း၊ အဆင့်မြှင့်ပလက်ဖောင်းနှင့် သန့်စင်ခန်းများပါဝင်ကာ ခရီးသွားများအဆင်ပြေစေရန်ပြင်ဆင်ထားသည်။ လမ်းပိုင်းအရှည် ၂၉.၅ မိုင်အတွင်း DEMU ရထား ၂ စိုင်းနှင့် RBE ရထား ၄ စိုင်းဖြင့် နေ့စဉ် ၂၇ ခေါက် ပြေးဆွဲပေးနေသည်။
