မြန်မာ့လက်ရွေးစင်တိုက်စစ်မှူး သီဟဇော်ဟာ ဒီနှစ်ဘောလုံးရာသီမှာ မလေးရှားအေဝမ်းဆီမီးပရိုလိဂ်ကနေ မလေးရှားစူပါလိဂ်ကို တန်းတက်လာတဲ့ အင်မီဂရေးရှင်းအက်ဖ်စီအသင်းနဲ့ တရားဝင် စာချုပ်ခဲ့ပါတယ်။ အင်မီဂရေးရှင်းအက်ဖ်စီအသင်းဟာ ပြီးခဲ့တဲ့ဘောလုံးရာသီက ဆီမီးပရိုလိဂ်အမှတ်ပေးဇယား ဒုတိယနေရာမှာ ရပ်တည်နိုင်ခဲ့ပြီး တန်းတက်နိုင်ခဲ့တဲ့အသင်းဖြစ်ပါတယ်။ အင်မီဂရေးရှင်းအက်ဖ်စီအသင်းဟာ စူပါလိဂ်မှာ အဆင့်အတန်းမီ ကစားနိုင်ဖို့အတွက် သီဟဇော်အပါအဝင် ဗင်နီဇွဲလား၊ ဩစတြေးလျ၊ ဘရာဇီး နဲ့ အီရတ်ကစားသမားတွေကိုလည်း ခေါ်ယူထားတာ မြင်တွေ့ရပါတယ်။
