ထိုင်းနိုင်ငံ၊ ဘန်ဘူသောင်မြို့ရှိ အာဏာပိုင်များသည် ဩဂုတ် ၄ ရက်က မြန်မာနိုင်ငံသား တစ်ဦးအား ခိုးယူထားသည့် ဆိုင်ကယ် ၁၈ စီးနှင့်အတူ ဖမ်းဆီးခဲ့သည်။ အငှားအိမ်တစ်ခုတွင် ဆိုင်ကယ်အမြောက်အမြား ရပ်နားထားမှုကို ရွာသူကြီးက သတိပြုမိပြီး ရဲတပ်ဖွဲ့သို့ အကြောင်းကြားခဲ့ခြင်း ဖြစ်သည်။ ဖမ်းဆီးခံရသူက ဆိုင်ကယ်များကို ကန်ချနပူရီပြည်နယ်မှ ညီဖြစ်သူအတွက် ထိန်းသိမ်းပေးနေရင်းမှ မြန်မာသို့ တင်ပို့ရောင်းချရန် စီစဥ်ကြောင်း ဝန်ခံခဲ့သည်။ အာဏာပိုင်များက ဂိုဏ်းဝင်အခြားသူများကို ဆက်လက်ရှာဖွေဖော်ထုတ်နေပြီး စုံစမ်းစစ်ဆေးမှုများ လုပ်ဆောင်လျက်ရှိသည်။
