မြန်မာစုံတွဲတွေကို ညစ်ညမ်းရုပ်သံရိုက်ကူးပြီး လူကုန်ကူးတဲ့ တရုတ်နိုင်ငံသားတွေကို ထောင် ဒဏ်တစ်သက်ချ

မြန်မာလူငယ်စုံတွဲတွေကို ညစ်ညမ်းရုပ်သံရိုက်ပြီး မြန်မာအမျိုးသမီးတွေကို တရုတ်မယားအ ဖြစ်ရောင်းစားတဲ့ တရုတ်နိုင်ငံသားငါးဦးအပါအ၀င် ၁၁ ဦးကို ထောင်ဒဏ် တစ်သက်တစ် ကျွန်းချမှတ်ခဲ့တယ်လို့ ထုတ်ပြန်ပါတယ်။ လူငယ်စုံတွဲနှစ်တွဲကို ညစ်ညမ်းဗီဒီယို သုံးကြိမ်စီရိုက်ကူးပြီး ချီထိုက် Application က တစ်ဆင့် Live လွှင့်တင်ခဲ့ပြီး ငွေကြေး အကျိုးအမြတ် ခေါင်းပုံဖြတ်ရယူခဲ့သူတွေ ဖြစ်တဲ့ မယုဝတီနဲ့ ခင်ပွန်းဖြစ်သူ ဇင်မင်းဦး၊ တရုတ်ဘာသာပြန် ရဲရင့်ဦး၊ Lin Te နဲ့ Wang Xiaofeng တို့ကို ထောင်ဒဏ် ချမှတ်ခဲ့တာပါ။ အဲဒီ တရုတ်နိုင်ငံသား နှစ်ယောက်နဲ့ မြန်မာနိုင်ငံသား ၃ ယောက်ကို လှိုင်သာယာ(အရှေ့ပိုင်း) မြို့မရဲစခန်းက တရားစွဲတင်ခဲ့ပြီးနောက် စစ်ခုံ ရုံးအဖွဲ့ (၃၈)၊ စစ်ခုံရုံး ဥက္ကဋ္ဌက ဇူလိုင် ၂၉ ရက်မှာ အမိန့်ချတာ ဖြစ်ပါတယ်။တိမ်းရှောင်နေတဲ့တရုတ်နိုင်ငံသား ဒါရိုက်တာ အားဂျယ်ကတော့လွတ်မြောက်နေဆဲဖြစ်ပါတယ်။