၂၀၂၅ ခုနှစ် ဇူလိုင်လဆန်းမှာ အိုမန်က မြန်မာအမျိုးသမီးအချင်းချင်း လူသတ်မှုသတင်းက မြန်မာတင်မက ကမ္ဘာ့သတင်းလွှာတွေပေါ် အထိရောက်ခဲ့

ရန်ကုန်၊ သန်လျင်မြို့ကနေ အိုမန်နိုင်ငံ၊ ဆိုဟာမြို့မှာ အိမ်အကူ သွားလုပ်တဲ့အသက် ၄၀ ကျော်အရွယ် မလွင်မာမြင့်က ရုံးထိုင်လို့ ခေါ်ကြတဲ့ အေးဂျင့်ရုံးက အသက် ၂၈ နှစ်အရွယ် မယုနန္ဒာမြင့်ကို သတ်ခဲ့တဲ့အမှု ဖြစ်ပါတယ်။ဒီဖြစ်စဥ်က မြန်မာအများစုကို အိမ်အကူအဖြစ်အလုပ်ခေါ်ထားတဲ့ ဆိုဟာမြို့နဲ့ မြို့တော်မတ်စ်ကတ်က အိုမန်နိုင်ငံသားအိမ်ရှင်တွေကို တုန်လှုပ်စေခဲ့သလို မြန်မာအေးဂျင့်တွေကြားမှာလည်း ဆင်ခြင်စရာကိစ္စ တစ်ခုလို သတိပေးလာကြပါတယ်။အဲဒီလူသတ်မှုဖြစ်စဥ်နောက်မှာ အေးဂျင့်အများစုက အိမ်ရှင်အိမ်မှာကြုံရတဲ့ အလုပ်သမားတွေရဲ့ ပြဿနာတွေကို ဖြေရှင်းပေးဖို့ လစ်လျူရှုပျက်ကွယ်ဆိုတဲ့ ပြောဆိုချက်တွေထွက်ပေါ်လာပါတယ်။