ရွှေပြည်သာမြို့နယ်၊ ဝါးတရာစက်မှုဇုန်၌ ဇူလိုင် ၂၂ ရက် ည ၆ နာရီ ၅၃ မိနစ်ခန့်တွင် မီးလောင်မှုတစ်ခု ဖြစ်ပွားခဲ့ရာ၊ မီးသတ်တပ်ဖွဲ့များနှင့် လူမှုကူညီရေးအသင်းဝင်များ ပူးပေါင်းငြိမ်းသတ်ခဲ့သည်။ မီးလောင်မှုသည် Level 1 အဆင့်အထိရောက်ခဲ့ပြီး ည ၇ နာရီ ၄၉ မိနစ်တွင် မီးငြိမ်းသွားသည်။ ထိုမီးလောင်မှုအကြောင်းရင်းနှင့် ပျက်စီးဆုံးရှုံးမှုတန်ဖိုးကို လက်ရှိ စစ်ဆေးဆဲဖြစ်သည်။ ထို့အပြင် တာမွေမြို့နယ်၌လည်း မီးလောင်မှုတစ်ခုဖြစ်ခဲ့ပြီး မိနစ်အနည်းငယ်အတွင်း မီးထိန်းနိုင်ခဲ့ကြောင်း သိရသည်။
