ရန်ကုန်မြို့ရှိ လူစည်ကားရာနေရာများတွင် စပိုင်ကင်မရာ (သို့မဟုတ်) ဖုန်းကင်မရာဖြင့် မြန်မာ အမျိုးသမီးများကို ခွင့်ပြုချက်မဲ့ရုပ်သံရိုက်ကူးကာ ညစ်ညမ်းစကားလုံးများဖြင့် Youtube တွင် ထုတ်လွှင့်ခဲ့သည့် တောင်ကိုရီးယားအမျိုးသား မြန်မာနိုင်ငံမှ ထွက်ပြေးတိမ်းရှောင်သွားကြောင်း သိရသည်။ ဂင်ဂျုံးဂူ(ခ)Tony သည် ၎င်းရိုက်ကူးထားသည်များကို Youtube မှထုတ်လွှင့်စဉ် အမျိုးသမီးများကို လက်ထပ်ချင်လို၍သော်လည်းကောင်း၊ အတူနေလို၍သော်လည်းကောင်း အလိုရှိပါက ငွေကြေးမည်မျှဟု ဆိုကာ ကိုရီးယားဘာသာစကားဖြင့်ပြောဆိုခဲ့ကြောင်း သိရသည်။ အဆိုပါ Youtube channel သည် premium ကြေး (အခကြေးငွေ)ဖြင့် ဝင်ရောက်ကြည့်ရှုရသည့် channel ဖြစ်ကြောင်း သိရသည်။
