အခုရက်ပိုင်းမှာ ဧရာဝတီတိုင်း၊ဘိုကလေးမြို့နယ်အတွင်း ရေဆင်းချိုးရာမှ အလျား(၁၅)ပေ၊ ဗြက်(၃)ပေခန့်ရှိတဲ့မိကျောင်းကြီးဆွဲချလို့ အမျိုးသား(၂)ဦး အသက်ဆုံးရှုံးသွားတယ်လို့ သိရပါတယ်။မိကျောင်းဆွဲလို့ ဇွန်လ(၂)ရက်မှာ ဘိုကလေးမြို့နယ်၊ချောင်းဗြဲကြီးကျေးရွာအုပ်စု၊လှေလုံးကွဲကျေးရွာနေ အသက်(၃၂)နှစ်အရွယ် ဦးသန့်ဇော်ထူးဟာ နေအိမ်ရှေ့ချောင်းစပ်ရေချိုးရင်း မိကျောင်းဆွဲချသွားလို့ အသက်ဆုံးရှုံးခဲ့ရပြီးဇွန်လ(၃)ရက်မှာလည်း ဘိုကလေးမြို့နယ်၊ချောင်းဗြဲကြီးကျေးရွာအုပ်စု၊လှေလုံးကွဲကျေးရွာနေ အသက်(၁၆)နှစ်အရွယ် မောင်ဇော်ဇော်အောင်ဟာ ရွာကင်းတဲတံတားအနီး ရေချိုးနေစဉ် မိကျောင်းဆွဲချသွားလို့ အသက်ဆုံးရှုံးခဲ့ရပါတယ်။ ဇွန်လမှ သြဂုတ်လအထိ မိကျောင်းအသိုက်ဖွဲ့တဲ့ကာလဖြစ်လို့ မိကျောင်းအန္တရာယ်ကြီးတဲ့ လဖြစ်တယ်လို့သိရပါတယ်။
