အကယ်ဒမီသရုပ်ဆောင် မေမြင့်မိုရ်သည် မကြာခင်ရိုက်ကူးတော့မည့် “အကယ်၍” ဟုအမည်ရသော ရုပ်ရှင် ဇာတ်ကားကြီးတွင် အေးဆေးပြီးတည်ငြိမ်သည့်အချစ်နှင့် ချစ်တတ်သော စာရေးဆရာမတစ်ယောက် ကာရိုက်တာအဖြစ် မြင်တွေ့ရမည်ဖြစ်ကြောင်း သူမက ပြောဆိုထားသည်။“ ဇာတ်ကားထဲမှာ ကိုယ်ရဲ့ချစ်သူကို နားလည်ပေးတဲ့ ကောင်မလေးပေါ့၊ အေးဆေးပြီး တည်ငြိမ်တဲ့အချစ်နဲ့ ချစ်တတ်တဲ့ စာရေးဆရာမတစ်ယောက်နေရာက သရုပ်ဆောင်မှာပါ၊ ကိုယ်က ချစ်တတ်ပြီးတော့ တည်ငြိမ်သူပေါ့နော်၊ စာရေးဆရာမ ဆိုတော့ အမြဲတမ်းစာထဲပဲ အာရုံရောက်ပြီးတော့ ချစ်သူနဲ့နည်းနည်း Type မတူတဲ့ ပုံစံမျိုးလေးပေါ့၊ ရိုမန့်အိမ်ထောင်ရေး လေးလည်းပါတော့ နည်းနည်းလောင်ရမယ်ပေါ့နော်၊ လက်ရှိ Life တွေ၊ ဖြစ်ပျက်နေတာလေးတွေပါတာပေါ့၊ အရမ်းချစ်ကြ ပေမယ့် တစ်ယောက်နဲ့တစ်ယောက် Type မတူရင် ဆက်တွဲလို့မရတာ၊ အိမ်ထောင်ရေးမှာ ကလေးမဆန်သင့်တာပေါ့နော်”ဟု ၎င်းကဆိုထားသည်။ အဆိုပါ အိမ်ထောင်ရေးဒရာမာဇာတ်ကားကြီးကို ဒါရိုက်တာ ပြည့်ဖြိုးနိုင်(PPN) က တာဝန်ယူ ရိုက်ကူးသွားမည်ဖြစ်ပြီး သရုပ်ဆောင်များဖြစ်သည့် ၎င်းအပါအဝင် စိုးပြည့်သဇင်၊ စိုင်းစည်တွမ်ခမ်း၊ နေထွဋ်၊ ခင်ဇာခြည်ကျော်၊ မေပန်းချီ၊ ဆုမြတ်နိုးဇင်နှင့် အခြားသော သရုပ်ဆောင်များစွာ ပါဝင်ထားသည်။
