မြန်မာ့လက်ရွေးစင် အမျိုးသမီးအသင်းဟာ ၂၀၂၆ အာရှဖလား အမျိုးသမီးခြေစစ်ပွဲ ယှဉ်ပြိုင်ရန် ဇွန် ၂၃ ရက်နေ့က အပြီးသတ် ကစားသမား ၂၃ ဦး ရွေးချယ်လိုက်သလိုမြန်မာ့လက်ရွေးစင် အမျိုးသမီးအသင်းသည် နည်းပြချုပ် ဂျပန်နိုင်ငံသား ယုကီတက်ဆုရိုက ၂၀၂၆ အာရှဖလား အမျိုးသမီးခြေစစ်ပွဲအတွက် ပြီးခဲ့သည့် မေ ၈ ရက်နေ့ကစပြီး ပဏာမကစားသမား ၃၀ ကျော်ဖြင့် လေ့ ကျင့်ပြင်ဆင်ခဲ့သည်။၂၀၂၆ အာရှဖလား အမျိုးသမီးခြေစစ်ပွဲကို ဇွန် ၂၃ ရက်မှ ဇူလိုင် ၅ ရက်အထိ ကျင်းပမှာဖြစ်ပြီး မြန်မာ့လက်ရွေး စင် အမျိုးသမီးအသင်းသည့် အုပ်စု (C) ၌ ဘာရိန်း၊ ဘင်္ဂလားဒေ့ရှ်၊ တာ့ခ်မင်နစ္စတန်အသင်းတို့ဖြင့် ယှဥ်ပြိုင်ရမည်ဖြစ်ပြီး ခြေစစ်ပွဲ၌ အသင်းစုစုပေါင်း ၃၄ သင်း ဝင်ရောက်ယှဉ်ပြိုင်မှာဖြစ်ပြီး အုပ်စု (A) နှင့် (B) ကို ၅ သင်းစီ၊ ကျန်အုပ်စု ၆ ခုကို ၄ သင်းစီနှင့် အုပ်စု ၈ ခုခွဲပြီး ယှဉ် ပြိုင်ရမည်ဖြစ်ကာ ခြေစစ်ပွဲကျင်းပမယ့်ပုံစံအရ အုပ်စုတစ်ခုမှ အမှတ်အများဆုံးတစ်သင်းစီ၊ စုစုပေါင်း ရှစ်သင်း ခြေစစ်ပွဲအောင်မြင်မည်ဖြစ်ကြောင်း ခြေစစ်ပွဲအောင်သည့် ၈ သင်းနှင့် တိုက်ရိုက်ကစားခွင့်ရထားသည့် သြစတြေးလျ၊ တရုတ်၊ တောင်ကိုရီးယား၊ ဂျပန်အသင်းတို့နှင့်အတူ ၂၀၂၆ အာရှဖလား အမျိုးသမီးပြိုင်ပွဲ ယှဉ် ပြိုင်ကစားရမည်ဖြစ်သည်။
မြန်မာ့လက်ရွေးစင် အမျိုးသမီးအသင်းပါဝင်သည့် ခြေ စစ်ပွဲ အုပ်စု (C) ပွဲစဉ်တွေကို ဇွန် ၂၉ ရက်မှ ဇူလိုင် ၅ ရက်အထိ ရန်ကုန် မြို့ရှိ သုဝဏ္ဏကွင်းမှာ ကျင်းပမှာဖြစ်ပြီး ဇွန် ၂၉ ရက်မှာ မြန်မာအသင်းနှင့် တာ့ခ်မင်နစ္စတန်အသင်း၊ ဘာရိန်းအသင်းနှင့် ဘင်္ဂလားဒေ့ရှ်အသင်း၊ ဇူလိုင် ၂ ရက်မှာ မြန်မာအသင်းနှင့် ဘင်္ဂလားဒေ့ရှ်အ သင်း၊ ဘာရိန်းအသင်းနှင့် တာ့ခ်မင်နစ္စတန်အသင်း၊ ဇူလိုင် ၅ ရက်မှာ မြန်မာအသင်းနှင့် ဘာရိန်းအသင်း၊ ဘင်္ဂလားဒေ့ရှ်အသင်းနှင့် တာ့ခ်မင်နစ္စတန်အသင်း ယှဉ်ပြိုင်ကစားမည်ဖြစ်ကာမြန်မာ့လက်ရွေးစင် အမျိုးသမီးအသင်းတွင် ဂိုး - မျိုးမြမြငြိမ်း (သစ္စာအားမာန်)၊ ဇူးလတ်နဒီ (အား/ကာသိပ္ပံ)၊ အိစန္ဒာဇော် (ဧရာဝတီ) နောက်တန်း - ဖြူဖြူဝင်း၊ ဇွန်ယုယဦး (ဧရာဝတီ)၊ ဖြူဖွေး၊ ယုယုနိုင် (ရန်ကုန်ယူနိုက်တက်)၊ လင်းလဲ့ဦး၊ နှင်းပွင့်အေး (အား/ကာသိပ္ပံ)၊ ခင်မျိုးသန္တာထွန်း၊ ဆောင်းနှင်းဖွေး (ရှမ်းယူနိုက်တက်)၊ အ လယ်တန်း - ဝင်းဝင်း (သစ္စာအားမာန်)၊ နော်ထက်ထက်ဝေ (ဧရာဝတီ)၊ ယွန်းဝတီလှိုင် (ရန်ကုန်ယူနိုက်တက်)၊ ဖြူဖြူသွေး၊ ရူပါခိုင် (ရှမ်းယူနိုက်တက်)၊ မိုးမိုးသန်း၊ ရွှေရဲထွန်း (အား/ကာသိပ္ပံ)၊ ဝင်းသိင်္ဂီထွန်း (Sabah FC)ရှေ့တန်း - စန်းသော်သော် (ဧရာဝတီ)၊ ခင်မိုမိုထွန်း၊ မြတ် နိုးခင် (သစ္စာအားမာန်)၊ မေထက်လူ (Los Angeles Pierce College)တို့အား ရွေးချယ်ထားကြောင်း သိရသည်။
